ENCANTADIA, EXTENDED!!!

Answered prayer na nga talaga dahil kumpirmado na ang extension ng Encantadia sa telebisyon. Ibig sabihin mas marami pang aabangan sa iconic at top-rating na GMA telefantasya. At isa na nga rito ay ang pagbabalik ng mahusay na aktor na si Alfred Vargas sa telebisyon. Gagampanan niya ang papel ni Amarro, ang ama ni Aquil (Rocco Nacino). Kaya naman si Rocco, sinabi na sa lahat na “Lagot kayo sa daddy ko!” dahil dumating na ang kanyang ama. Pero siya kaya ay kalaban o kakampi?

Samantala, mukhang hindi pa nga talaga matatapos ang Encantadia dahil sa marami pa nitong sorpresa. Isa sa mga pasabog nito this year ay may bago raw itong set, mas pinagandang effects at iba pang kaabang-abang na revelations! Nakaka-excite tuloy lalong umuwi ng bahay  gabi-gabi para abangan ang Encantadia.

-0o0-

While browsing my Instagram feed, I happen to pass by a photo of Encantadia 2016’s Aquil and Sang’gre Danaya na sina Rocco Nacino at Sanya Lopez with Encantadia 2005’s na sina Alfred Vargas and Diana Zubiri na ngayon ay gumaganap bilang sina Amarro at Lilasari.  Ang ganda lang tingnan ng photo nila together.  Pero may tanong lang kami: kailan ba talaga ipapakita si Amarro? Intrigued kasi kami baka may continuation ang love story nila ngayon dito sa top-rating primetime series ng GMA.

-0o0-

Architect cum actress in the making pala itong si Mikee Quintos. Sa naganap kasi niyang fans day recently, ibinahagi ng Encantadia star, na isang architecture student sa isang kilalang unibersidad sa Maynila, ang pagmamahal niya sa art through drawing at pagkukulay. Ayon sa mga ito, nakaka-inspire  raw ang dalaga dahil hindi ito sumusuko sa pag-aaral niya kahit na sobrang busy sa tapings sa Encantadia.

Nabanggit na rin natin ang Encantadia, hindi rin kaya sukuan ng karakter ni Mikee na si Lira ang matigas na puso ni Pirena (Glaiza de Castro) upang umanib na sa kanila at talunin si Hagorn (John Arcilla)? Paano kaya nito mapapalambot ang puso ng kanyang Ashti? Bilib kami sa personality ni Lira dito dahil kahit na anong pagmamalupit ang ipakita sa kanya ni Pirena, nagagawa pa rin niya itong kausapin na parang wala itong masamang sinasabi sa kanya.