Malulunasan ang pagka-uhaw
ng publikong humaling na humaling sa tinaguriang Woman of Desire ng taon na si
Jennylyn Mercado! Mapapanood siya sa Ultimate Kilig Movie of The Year, ang “The
PreNup” mula sa Regal Entertainment ngayong Oktubre 14!
Huling nasaksiksahan
ng mga manonood si Jen sa 2015 MMFF surprise blockbuster na “English Only,
Please!” Hindi lang ganda ng mukha at taglay na alindog ang hinahangaan
sa kanya kungdi ang galing niya sa pag-arte sa romantic-comedy film dahil
tinaob niya ang kalabang aktres at inuwi ang Best Actress Award ng 2015 MMFF.
Higit na kuminang ang
pagiging aktres ni Jennylyn nang siya ang tanghaling Sexiest Woman ng FHM.
Taglay niya ang face to love and body to die for kaya siya ang nanaig sa lahat
ng nagseseksihan artistang babae na kasabayan niya! Dahil dito, lalong
nagnining ang bituin ni Jen kaya naman walang daloy ang dating ng biyaya sa
kanyang career!
Sa darating na Oktubre
14, isa na namang pasabog ni Jen ang hatid niya sa nagmamahal sa kanya. Sa
movie, inilabas muli niya ang angking talento sa isang masayang movie na
punumpuno ng kilig, sweet moments at nakaka-in love na mga eksenang first time
lang niyang ginawa sa isang movie.
Eh, sa una ring pagkakataon,
ang guwapo’t mabait na aktor na si Sam Milby ang karomansahan niya. ‘Yung
pagiging tahimik na tao si Sam ay ginising niya Jen sa kanilang malalagkit na
mga eksena! Saksi ang Central Park, Times Square at matulaing lugar sa New York
sa maliligayang sandali nina Sam at Jen.
Pahayag nga ni Sam,
“Jen is every man’s dream!” Kaya malapit na malapit sa katotohanan ang mga
eksena nilang naghahalikan at naglalampungan sa kama, huh!
Eh, wala namang
inaaming boyfriend si Jennylyn. So kung
ligawan man siya ni Sam eh, hindi malayong i-entertain niyan ang binata!
Kaya nga huwag magtaka na kung sakaling tapos nang ipalabas ng rom-com movie
nila at nakikita silang mag-date, ang ibig sabihin lang nito at nahulog na sa
isa’t isa ang loob nila, huh!
Ilang buwan na ring hindi
nakakatikim na matinding kilig ang romantic moviegoers. Saktung-sakto ang
dating ng “The PreNup” dahil umaapaw talaga ang kilig na dala nina Jen at
Sam. Kumbaga, perfect match made in New York City ang nangyari kina Jen at Sam
na lalong ikinaganda ng pelikula!
Kasama rin sa cast ng “The
PreNup” sina Jaclyn Jose, Gardo Versoza, Dominic Choa, Ella Cruz, Freddie Webb
at marami pang iba. Matutunghayan ang non-stop kilig mula kina Sam-Jen sa
premiere nito sa Oktubre 13 sa SM Megamall, 7PM
Ang “The PreNup” ay mula sa direksyon ng
premyadong director na si Jun Lana na napapanganga na lang sa kasiyahan sa
effortless na pagpapakilig nina Jennylyn at Sam!
No comments:
Post a Comment